مطوّر أعمال

الوظيفة باختصار

• المكانالرياض
• نوع الدوامدوام كامل، هجين
• الراتب والمزايامن ٩ إلى ٢٤ ألف ريال شهرياً + أسهم
• التقديمgeneral@nasam.co

عن نسم

نسم شريك نمو البراندات على الأسواق الإلكترونية. ندير بيعها على أمازون ونون وترينديول وسلة، وبنينا منصة نسم اللي تشتغل عليها تجارة البراند في كل قنواته: الطلبات، المخزون، التسعير، الشحن، والربحية من كشوف التسوية. يستخدمها فريقنا وفرق البراندات، وتتصل بوكلاء الذكاء الاصطناعي وأنظمة الشركاء. نشغّل اليوم أكثر من 20 براند على 12 قناة، ونسم من الشركات المسرّعة في inspireU من stc.

الدور

عملاء نسم براندات تبيع بين 3 و50 مليون ريال سنوياً، على سلة أو زد أو الأسواق، وتبي تكبر عليها. شغلك تبني الطريق لهم وتملكه: تحدد مين يناسبنا ومين لا، تبدأ المحادثة من إشارة حقيقية، تفهم وضع البراند، وتحوّلها لفرصة مؤهلة. تشتغل مع المؤسس في الإغلاق، وتقول للفريق وش يسمعه السوق.

وش بتسوي

• تعرّف العميل المثالي بالأرقام: الحجم، الفئة، القنوات الحالية، والفرصة على كل سوق
• تتواصل من إشارات دافئة: براند ثبّت تطبيق نسم على سلة أو متجر تطبيقات أمازون، قارئ للمدونة أو النشرة، أو براند أحالنا له عميل
• تبني شراكات تجيب براندات: الأسواق نفسها، شركات الشحن والتخزين، الوكالات، والمسرّعات
• تجرّب التواصل البارد بالطريقة الصح: قائمة صغيرة مختارة، ورسالة فيها رقم يخص البراند نفسه
• تؤهل كل فرصة قبل ما تسلّمها، وتحضر الاجتماعات مع المؤسس حتى الإغلاق
• تكتب كتاب البيع اللي يمشي عليه الفريق بعدك: الرسائل اللي نجحت، والاعتراضات وردودها

وش ما بتسوي

• رسائل جماعية لقوائم مشتراة
• تجيب براندات ما تناسبنا، أو تخفض السعر عشان تقفل صفقة

تناسبك إذا

• بعت لأصحاب شركات أو مدراء تجارة إلكترونية، أو بنيت علاقات معهم
• تعرف مشهد البراندات المحلية ومين يحرّكه، أو تقدر تبنيه بسرعة
• تقرأ أرقام البراند وتعرف وين فرصته قبل أول اجتماع
• تصنع الفرصة بدل ما تنتظرها، وتسمع أكثر مما تتكلم

أول ثلاث شهور

1. ٠١الشهر الأول: تفهم نسم وعملاءها ومنصتها، وتكتب تعريف العميل المثالي وأول قائمة
2. ٠٢الشهر الثاني: محادثات أسبوعية مع براندات، وأول فرص مؤهلة
3. ٠٣الشهر الثالث: مصدر يجيب فرصاً بشكل متكرر، وأرقام تثبت ذلك