مدير حساب

الوظيفة باختصار

• المكانالرياض
• نوع الدوامدوام كامل، هجين
• الراتب والمزايامن ٩ إلى ٢٤ ألف ريال شهرياً + أسهم
• التقديمgeneral@nasam.co

عن نسم

نسم شريك نمو البراندات على الأسواق الإلكترونية. ندير بيعها على أمازون ونون وترينديول وسلة، وبنينا منصة نسم اللي تشتغل عليها تجارة البراند في كل قنواته: الطلبات، المخزون، التسعير، الشحن، والربحية من كشوف التسوية. يستخدمها فريقنا وفرق البراندات، وتتصل بوكلاء الذكاء الاصطناعي وأنظمة الشركاء. نشغّل اليوم أكثر من 20 براند على 12 قناة، ونسم من الشركات المسرّعة في inspireU من stc.

الدور

أنت وجه نسم عند كل براند في محفظتك، والمسؤول عن نموه. تدير التشغيل على الأسواق: الإدراجات ومحتواها، التسعير، الإعلانات، المخزون، والطلبات. وتقرأ الأرقام على منصة نسم كل صباح: صحة البراند، الربحية، والمخزون، وتتحرك قبل ما يتراجع شي. البراند يشوف نفس المنصة، وشغلك واضح له يوم بيوم.

وش بتسوي

• تملك محفظة براندات وأهداف نموها الشهرية، وتبني لكل براند خطة على كل قناة
• تدير الإعلانات على الأسواق وتحسّن العائد على كل ريال إعلاني
• تبني علاقة مع صاحب البراند وفريقه: يعرفونك، وتعرف أولوياتهم
• تلاحظ التراجع قبل ما يلاحظه البراند: إدراج موقوف، صندوق شراء ضاع، مخزون بينفد، وتعالجه
• توصل ملاحظات البراندات لفريق المنتج، وتقترح الأدوات اللي توفّر وقتك

وش ما بتسوي

• ترد على الرسائل وتنتظر التعليمات. أنت اللي تقترح على البراند الخطوة الجاية
• تعد البراند بنتائج ما تقدر توصلها عشان ترضيه

تناسبك إذا

• اشتغلت على أمازون أو نون أو أي سوق، كبائع أو مع بائعين
• تقرأ الأرقام وتقول وش تعني: هامش، عائد إعلاني، معدل تحويل، أيام مخزون
• تكتب وتتكلم بوضوح مع أصحاب البراندات، بالعربي والإنجليزي
• تحب تشوف أثر شغلك في رقم، وتتحمل مسؤوليته لما ينزل

أول ثلاث شهور

1. ٠١الشهر الأول: تتعلم المنصة والأسواق، وتستلم أول براند
2. ٠٢الشهر الثاني: تدير محفظتك كاملة، ولكل براند خطة نمو مكتوبة
3. ٠٣الشهر الثالث: نمو واضح في أرقام برانداتك، وتحسين واحد في طريقة شغل الفريق