---
title: "نسم | ندير تجارتك على كل سوق: أمازون ونون وترينديول"
description: "نسم تدير تجارة براندك على أمازون ونون وترينديول وسلة: من فتح الحسابات والإدراجات إلى التسعير والإعلانات، وكل العمليات مربوطة بمنصة نسم. ابدأ بتقييم مجاني."
url: https://nasam.co/
lang: ar
---

نسم بلس

# تجارتك أكبر من قناة وحدة

نسم شريكك في نمو وتشغيل تجارتك الإلكترونية، من تأسيس حساباتك إلى البيع والتوسّع.

تفضّل تديرها بنفسك؟ [منصة نسم](https://nasam.co/platform)

- شريك سلة

- شريك أمازون

- بتسريع من stc

- 63 مليون · زيارة شهرية لأمازون السعودية

- أكثر من 22 مليارريال · إجمالي مبيعات نون السنوية

- أكثر من 4 مليارريال · استثمار تسويقي لترينديول في السعودية

- 9.5% · معدل التحويل على الأسواق مقابل 2-3% للمتاجر المستقلة

## يثقون فينا

- [](https://sondos.com/)

- [](https://inivita.com/)

- [](https://darsonbol.com/)

## السوق يكبر، والبراندات اللي نشغّلها تكبر أسرع

- 197مليارريال · حجم المعاملات عبر الإنترنت في السعودية (2024)

- 67% · من التجارة الإلكترونية تصير على الأسواق

15x

مبيعات ترينديول لبراندات سندس الأربعة

من الربع الأول إلى الربع الثالث 2026

وقرابة 4 أضعاف في سبتمبر 2026 مقابل يونيو 2026

+80%

مبيعات إنيڤيتا في أمازون

من الربع الرابع 2025 إلى الربع الثالث 2026

وأمازون ثاني أكبر قنواتها

4 أسواق بتأسيس كامل

+1,000 إدراج في كل سوق

- حسابات وإدراجات من الصفر في أمازون ونون ونمشي وترينديول

- Seller Flex في أمازون، والطلبات تطلع من مستودع سنبل

- ربط مباشر مع نت سويت للفواتير والمخزون

- شريك واحد يدير تجارة سنبل في كل الأسواق

## ليش نسم؟

لأننا أهل خبرة ونشتغل من قلب القطاع

### فريقنا التجاري مخصص لمتجرك

فريقنا يعرف متجرك، يراقب أسواقك، ويتصرّف قبل ما تطلب.

### كل قنواتك، شريك واحد

تكلّم شخص واحد بدل خمس بوابات بيع.

### سعوديين، نفهم السوق

نعرف المستهلك، المواسم، والمنافسة من داخل السوق.

### ننمو لما تنمو

نجاحنا مربوط بمبيعاتك مباشرة.

## مهما كانت مرحلة متجرك، نوصّلك اللي بعدها

### جديد على الأسواق

بدون نسم

تبيع على سلة، المبيعات مستقرة، بس تشوف براندات على أمازون تحقق أضعاف حجمك. فكّرت تدخل لكن ما تدري من وين تبدأ.

مع نسم

حساباتك جاهزة، منتجاتك محسّنة، وما احتجت تتعلم خمس بوابات بيع مختلفة، ومسؤوليتنا نموك.

### موجود على الأسواق

فتحت حسابات على نون وأمازون من شهور. المنتجات موجودة بس المبيعات واقفة. تصرف ساعات على العمليات: تحديث مخزون، تسعير، تذاكر دعم. بدل ما تنمو.

العمليات تمشي وانت مرتاح. كل أسبوع يوصلك تقرير: وش نما، وش انحل، وش الخطوة الجاية.

### مورّد أو بائع جملة

تورّد لأمازون أو نون مباشرة. كل شحنة متأخرة تكلّفك غرامات. كل خطأ في الالتزام يكلّفك مساحة عرض. تحتاج فريق يفهم متطلبات الأسواق من الداخل.

أوامر الشراء متابَعة، الشحنات بوقتها، الالتزام مغطّى. تركّز على تجارتك بدل التشغيل.

## وش يصير بعد ما تبدأ

من اليوم الأول، كل شي يتحرك

### التأسيس والتسجيل

نجهّز حساباتك على الأسواق وتوثيقها، ونضبط الشحن والإرجاع، ونختار معك برنامج الشحن الأنسب لكل سوق: من مستودعات السوق مثل FBA وFBN، أو من مستودعك.

### المحتوى والمنتجات

منتجاتك تطلع باحترافية على كل منصة. عربي وإنجليزي، محسّنة لخوارزمية كل سوق.

### التسعير والمنافسة

تسعيرك مدروس على كل القنوات. العمولات، المنافسة، وهوامشك كلها محسوبة.

### الإعلانات والحملات

منتجاتك توصل للعميل. وحملاتك يديرها متخصصين بالأسواق.

### المتابعة والتقارير

كل أسبوع تعرف بالضبط وش صار، وش سوّينا، ووش الخطوة الجاية.

### الاستشارات والنمو

دايم في أحد يفكّر بخطوتك الجاية. سوق جديد، فئة جديدة، الموسم الجاي.

التقييم وعرض السعر

## اعرف وش تحتاج تجارتك، وكم تكلفك

يوصلك تقييم قنواتك، والخطوات اللي نبدأ فيها، وعرض سعرك، خلال يوم.

منصة نسم مشمولة مجاناً لك ولفريقك

## أسئلة قبل ما تبدأ

### تشتغلون مع براندات صغيرة؟

نشتغل مع أي براند عنده منتج جاهز وطموح ينمو. والتقييم المجاني يقول لك بصراحة إذا الأنسب لك الحين نسم بلس، أو تبدأ بسوق واحد على منصة نسم. [احصل على تقييم وعرض سعر مجاني](https://nasam.co/evaluate)

### ما عندي حسابات في الأسواق، تفتحونها لي؟

إيه، نفتحها معك ونجهّز المستندات اللي يطلبها كل سوق، وننشئ إدراجات منتجاتك كلها مهما كان عددها. والحسابات باسم براندك، وهذا كله مجاني لفترة محدودة.

### ما عندي محتوى جاهز، تساعدوني؟

إيه. توجيه تصوير المنتجات، وكتابة المحتوى بالعربي والإنجليزي، ومحتوى A+، كلها جزء من الخدمة.

### كم تكلفة نسم بلس؟

رسوم إدارة شهرية تبدأ من 1,500 ريال، وعمولة من 2% إلى 7% حسب حجم الشغل، وما فيه عمولة على أول 10,000 ريال من مبيعاتك الشهرية. والتأسيس، يعني فتح حساباتك وإنشاء إدراجات منتجاتك كلها مهما كان عددها، 0 ريال لفترة محدودة. عمولات الأسواق وميزانية الإعلانات تدفعها للسوق مباشرة. [الأسعار](https://nasam.co/pricing)

### أقدر أوقف متى ما أبي؟

إيه. نسم بلس اتفاقية شهرية تنهيها بإشعار قبل شهر، وحساباتك في الأسواق تبقى باسمك.

### كم ياخذ عشان أشوف نتيجة؟

أول إدراجات وحملات في الشهر الأول، والنمو يبان عادة بعد شهرين إلى ثلاثة، حسب الفئة والسوق.

### وش الفرق بينكم وبين وكالة تسويق؟

الوكالة تدير إعلاناتك. فريق نسم يدير البيع كله في الأسواق: الإدراجات والمخزون والأسعار والإعلانات والعمليات.

### مين يتحكم بالأسعار؟

أنت. فريقنا يقترح الأسعار والعروض، وأنت تعتمدها، وتشوف كل تغيير على منصة نسم.

### أقدر أتابع شغلكم؟

كل يوم على منصة نسم: الإدراجات والأسعار والطلبات والحملات، ويوصلك تقرير كل أسبوع باللي سوّيناه ووش الخطوة الجاية.

### بياناتي وحساباتي في أمان؟

حساباتك في الأسواق ملكك وباسمك. فريقنا يشتغل عليها بصلاحيات تعطيها له وتسحبها في أي وقت، وبياناتك على منصة نسم ما يشوفها إلا فريقك والفريق اللي يدير حسابك.

### تشتغلون على حساباتي الحالية؟

إيه، ونبدأ بمراجعتها: الإدراجات والأسعار والمخزون، وأول خطة توصلك مع التقييم.

## حضورنا وشراكاتنا

- شريك سلةتطبيق نسم في متجر تطبيقات سلة[عرض التطبيق](https://apps.salla.sa/ar/app/34811464)

تطبيق نسم في متجر تطبيقات سلة

- تطبيق نسم في أمازونمدرج في متجر تطبيقات شركاء البيع[عرض التطبيق](https://sellercentral.amazon.in/selling-partner-appstore/dp/amzn1.sp.solution.1e9f7e46-8bef-49c5-b52a-04e2f24e1cc0)

تطبيق نسم في أمازون

مدرج في متجر تطبيقات شركاء البيع

- بتسريع من inspireUبرنامج تسريع الشركات الناشئة من stc[عن البرنامج](https://www.stc.com/ar/inspire-u/apply-now.html)

بتسريع من inspireU

برنامج تسريع الشركات الناشئة من stc

- للمطورين والوكالاتاربط أنظمتك بنسم عبر Nasam MM-API[الربط والتكاملات](https://nasam.co/integrations)

للمطورين والوكالات

اربط أنظمتك بنسم عبر Nasam MM-API

## خلّنا نشوف وين تقدر توصل تجارتك

[واتساب](https://wa.me/966550090039?text=%D8%A7%D9%84%D8%B3%D9%84%D8%A7%D9%85%20%D8%B9%D9%84%D9%8A%D9%83%D9%85%D8%8C%20%D8%A3%D8%A8%D9%8A%20%D8%A3%D8%B9%D8%B1%D9%81%20%D9%83%D9%8A%D9%81%20%D9%8A%D9%83%D8%A8%D9%91%D8%B1%20%D9%81%D8%B1%D9%8A%D9%82%20%D9%86%D8%B3%D9%85%20%D8%AA%D8%AC%D8%A7%D8%B1%D8%AA%D9%8A%20%D8%B9%D9%84%D9%89%20%D8%A7%D9%84%D8%A3%D8%B3%D9%88%D8%A7%D9%82.%0A%0Anasam.co%2F%23start) على مدار الساعة

تديرها بفريقك؟ [منصة نسم](https://nasam.co/platform)