---
title: "وظيفة مهندس منتج، إدارة الأسواق | نسم، الرياض"
description: "من أوائل فريق الهندسة. تبني منصة نسم اللي تشتغل عليها تجارة البراندات في كل الأسواق. الرياض · دوام كامل، هجين · من ٩ إلى ٢٤ ألف ريال شهرياً + أسهم."
url: https://nasam.co/careers/product-engineer-marketplace-management
lang: ar
---

# مهندس منتج

من أوائل فريق الهندسة. تبني منصة نسم اللي تشتغل عليها تجارة البراندات في كل الأسواق.

## الوظيفة باختصار

- المكان الرياض

- نوع الدوام دوام كامل، هجين

- الراتب والمزايا من ٩ إلى ٢٤ ألف ريال شهرياً + أسهم

- التقديم[general@nasam.co](mailto:general@nasam.co?subject=%D8%AA%D9%82%D8%AF%D9%8A%D9%85%3A%20%D9%85%D9%87%D9%86%D8%AF%D8%B3%20%D9%85%D9%86%D8%AA%D8%AC%20(%D8%A5%D8%AF%D8%A7%D8%B1%D8%A9%20%D8%A7%D9%84%D8%A3%D8%B3%D9%88%D8%A7%D9%82))

## عن نسم

نسم شريك نمو البراندات على الأسواق الإلكترونية. ندير بيعها على أمازون ونون وترينديول وسلة، وبنينا منصة نسم اللي تشتغل عليها تجارة البراند في كل قنواته: الطلبات، المخزون، التسعير، الشحن، والربحية من كشوف التسوية. يستخدمها فريقنا وفرق البراندات، وتتصل بوكلاء الذكاء الاصطناعي وأنظمة الشركاء. نشغّل اليوم أكثر من 20 براند على 12 قناة، ونسم من الشركات المسرّعة في inspireU من stc.

## الدور

الهندسة في نسم ما تجي بعد المنتج والتصميم والتشغيل، تجلس معهم. تملك المشكلة كاملة: تفهمها، تشكّل الحل، تصمم التجربة، تبني النظام، تشحنه، وتتعلم من أثره. ومنصة نسم يشتغل عليها فريقنا وفرق البراندات كل يوم على أمازون ونون ونمشي وترينديول وسلة وجاهز، ويوصل لها وكلاء الذكاء الاصطناعي عبر MCP، والشركاء عبر Nasam MM-API.

## وش بتسوي

- تبني الطريقة اللي يعرف فيها الفريق أي براند يحتاج تدخّل اليوم، وفي أي شي

- تجمع بيانات الأسواق المتفرقة في قرارات واضحة: تعرض اللي يحتاج تصرّف، مو كل رقم موجود

- تحوّل عمليات التشغيل اليدوية إلى برمجيات وأتمتة توسّع اللي يقدر يديره الفريق

- تربط أسواقاً ونماذج توصيل جديدة، منها التجارة السريعة. والأسواق اللي ما لها API تربطها عبر أتمتة البوابة

- تجهّز المنصة للمواسم: رمضان، اليوم الوطني، والجمعة البيضاء

- تبني لوكلاء الذكاء الاصطناعي كما تبني للبشر: أدوات MCP وواجهة MM-API

## وش ما بتسوي

- تستلم تذكرة جاهزة وتنفذها بدون ما تعرف ليش

- تختار الأسهل في الكود على حساب تجربة المستخدم

- تنتظر مصمم أو مدير منتج قبل ما تبدأ. تشحن الواجهة بنفسك على نظام التصميم

## كيف نقيس شغلك

أثر ميزاتك على نمو البراندات وعلى اللي يقدر يديره الفريق. عدد المهام المقفلة ما يُحسب.

## تناسبك إذا

- شحنت منتجاً استخدمه ناس حقيقيون، وتقدر توريه لنا

- قوي في الطرفين: NestJS وPostgreSQL وReact على AWS، أو تثبت إنك تتعلمها بسرعة

- تفكر في سير العمل والقرار اللي يتخذه المستخدم، مو في الشاشات

- تسأل عن سياق العمل قبل ما تبني، ويهمك كيف تشتغل الأسواق: صندوق الشراء، FBA، العمولات، والتسويات

- تكتب بوضوح، وتوثّق قراراتك ومعرفة المجال اللي تكتسبها

- بنيت شيئاً يستخدمه وكيل ذكاء اصطناعي، أو تفهم ليش البناء له يختلف

## أول ثلاث شهور

- ٠١ الشهر الأول: تجلس مع مدراء الحسابات وتشحن أول ميزة للإنتاج

- ٠٢ الشهر الثاني: تملك ربط سوق كامل أو جزءاً أساسياً من المنصة، ومعه دعمه

- ٠٣ الشهر الثالث: تحسّن المتطلبات من معرفتك بالمجال، وتشحن شيئاً ما طلبه أحد ويصير جزءاً من يوم المستخدمين

## تشوف نفسك هنا؟

أرسل لنا من أنت، وش سوّيت، وليش هذا الدور. رابط لشغلك يقول أكثر من سيرة ذاتية.

التوظيف قصير: محادثة عن طريقة تفكيرك وشغلك السابق، ثم مهمة صغيرة من شغل الدور الفعلي.

## الوظائف المتاحة

### [مدير حساب (النمو)](https://nasam.co/careers/account-manager-growth)

تملك محفظة براندات على أمازون ونون وترينديول وغيرها، وتملك نمو مبيعاتها.

### [مطوّر أعمال (الوصول للسوق)](https://nasam.co/careers/business-developer-gtm)

تبني مصدر عملاء نسم الجدد: تحدد البراندات المناسبة، تبدأ المحادثة، وتسلّم فرصاً مؤهلة جاهزة للإغلاق.