---
title: "وظائف نسم | انضم لفريق نسم"
description: "وظائف نسم في الرياض: مهندس منتج (إدارة الأسواق)، مدير حساب (النمو)، مطوّر أعمال (الوصول للسوق). نسم شريك نمو البراندات على الأسواق الإلكترونية."
url: https://nasam.co/careers
lang: ar
---

# نسم تدوّر عليك

نبني شريك النمو الأول للبراندات السعودية على الأسواق الإلكترونية. مرحلة مبكرة، سوق مفتوح، والفريق اللي ينضم الحين يصنع الشركة.

## الوظائف المتاحة

- المكان الرياض

- نوع الدوام دوام كامل، هجين

- الراتب والمزايا من 9 إلى 24 ألف ريال شهرياً + أسهم

إدارة الأسواق

### [مهندس منتج](https://nasam.co/careers/product-engineer-marketplace-management)

من أوائل فريق الهندسة. تبني منصة نسم اللي تشتغل عليها تجارة البراندات في كل الأسواق.

النمو

### [مدير حساب](https://nasam.co/careers/account-manager-growth)

تملك محفظة براندات على أمازون ونون وترينديول وغيرها، وتملك نمو مبيعاتها.

الوصول للسوق

### [مطوّر أعمال](https://nasam.co/careers/business-developer-gtm)

تبني مصدر عملاء نسم الجدد: تحدد البراندات المناسبة، تبدأ المحادثة، وتسلّم فرص مؤهلة جاهزة للإغلاق.

## وش نبني

نسم شريك نمو البراندات على الأسواق الإلكترونية. ندير بيعها على أمازون ونون وترينديول وسلة، وبنينا منصة نسم اللي تشتغل عليها تجارة البراند في كل قنواته: الطلبات، المخزون، التسعير، الشحن، والربحية من كشوف التسوية. يستخدمها فريقنا وفرق البراندات، وتتصل بوكلاء الذكاء الاصطناعي وأنظمة الشركاء. نشغّل اليوم أكثر من 20 براند على 12 قناة، ونسم من الشركات المسرّعة في inspireU من stc.

وحنا توّنا في البداية. سوق إدارة الأسواق ينمو بسرعة وما فيه أحد تصدّر، ونراهن إن اللي يفهم المجال بعمق وينفّذ أفضل هو اللي يفوز.

## مين ندوّر عليه

ما نشترط خبرة سنين ولا شهادة معينة. سواء تبني منتج، تنمّي براندات، أو تفتح أسواق جديدة:

اللي يتحرك قبل ما أحد يوجّهه. يفهم المشكلة قبل ما يقترح الحل، ويسأل «ليش» قبل «كيف». يفكر بالنتيجة، مو المهمة. يهتم بالمجال: كيف الأسواق تشتغل، كيف البراندات تنمو، وكيف العمليات تصير فعلاً. يفرّق بين السرعة والعجلة. ويختار الوضوح، حتى لو كان أصعب.

## مكانك هنا؟

تكلم عن نفسك، وش سوّيت، وليش نسم.